Дзень Незалежнасці Рэспублікі Беларусь

Дзень Незалежнасці Рэспублікі Беларусь – галоўнае свята беларускай дзяржаўнасці, адзначаецца штогод 3 ліпеня.

Рашэнне аб святкаванні Дня незалежнасці 3 ліпеня, у дзень вызвалення сталіцы Беларусі ад нямецкай акупацыі, было прынята падчас рэспубліканскага рэферэндуму ў 1996 годзе. Ён аб’яўлены ў 1996 годзе Дэкрэтам Прэзідэнта Рэспублікі Беларусь ад 11 снежня 1996г. № 1 «Аб устанаўленні дзяржаўнага свята – Дня Незалежнасці Рэспублікі Беларусь».

3 ліпеня – гістарычна значная дата ў лёсе краіны, якая стала для яе грамадзян сімвалам свабоды і міру. У гэты дзень сталіца дзяржавы (Мінск) была вызвалена ад фашысцкіх захопнікаў. На рэферэндуме 1996 г. 3 ліпеня і было абрана ў якасці афіцыйнай даты свята.

Па ўсёй рэспубліцы ў гэты дзень праходзяць святы і гулянні. Жыхары накіроўваюцца на плошчы, у скверы, да канцэртных пляцовак і выязных гандлёвых пунктаў. Праводзяцца розныя конкурсы, рэкламныя кампаніі.